15.01.2024 Скопје
Стопанската комора на Република Северна Македонија денес ќе го претстави Центарот за микро, мали и средни предпријатија, и како што посочуваат целта е поддршката и развојот на економската активност за потребите на компаниите, а улогата би била во интерес на оваа група субјекти да им обезбеди услуги и поддршка за нивно функционирање.
На промоцијата на новоформираниот Центар со тема: Комората со нова алатка за поддршка на развојот на микро, малите и средни претпријатија, ќе говорат извршниот директор на Комората, Антони Пешев и претседателката на Центарот, Габриела Кулебанова.
„Улогата на микро, малите и средни претпријатија (ММСП) претставуваат значаен и витален дел на економијата во земјата, со доминантно учество од 99,6 проценти од вкупниот број активни деловни субјекти во државата, и најголеми работодавачи, обезбедувајќи околу 70 отсто од вкупниот број на вработени лица. Од друга страна, учеството на ММСП во додадената вредност е со многу помал процент во вкупната додадена вредност споредено со големите компании. Ова претставува и клучен предизвик како да им се помогне да остварат раст и да придонесуваат во поголема мера кон националната вработеност и да креираат додадена вредност“, наведуваат од Комората.
Промоцијата ќе се одржи во просториите на Стопанската комора на Република Северна Македонија.
Подготвено од М.Д.
About Author
