06.01.2024 Скопје
Следното целосно затемнување на Сонцето, кое ќе биде видливо во Северна Америка, ќе се случи на 8 април и се очекува да трае подолго од претходното, како и дека ќе се зголемат активностите на ѕвездата.
Целосното затемнување, при кое Месечината целосно ќе го покрие Сончевиот диск, ќе трае речиси четири и пол минути, што е двојно подолго од претходниот ваков настан во 2017 година.
Во април, Сонцето ќе биде блиску до соларниот максимум, што е врвот на неговиот 11-годишен циклус на активност.
Како резултат на тоа, светли струи на плазма слични на ливчиња ќе се протегаат од надворешната атмосфера на Сонцето.
Зголемувањето на сончевата активност, исто така, ги зголемува шансите за исфрлање на коронална маса, големо вдишување на топол гас заробен во јамка на магнетното поле што се исфрла од површината на Сонцето.
Како што е наведено, за време на затемнувањето, научниците ќе користат инструменти за набљудување во обид подобро да разберат како Сонцето ја генерира јоносферата и како плазма слојот влијае на сателитскиот и радио преносот.
Подолго време за набљудување на затемнувањето и поактивно Сонце ќе го направат настанот поинтересен за набљудувачите, кои ќе можат да го видат исфрлањето на короналната маса, доколку се случи, без опрема.
Подготвено од А.Ѓ.
About Author
