03.01.2024 Скопје
Турската валута во вторникот достигна најниско ниво во однос на американскиот долар, тргувајќи се за 29,70 лири за долар.
Економистот Алатин Акташ изјави дека се очекува курсот на доларот да се зголеми на околу 40 лири за долар во 2024 година.
Инфлацијата во Турција во декември достигна 64,77 отсто, објави денеска турскиот статистички институт. Бројката е зголемена за 2,79 процентни поени во однос на минатомесечното читање, но е малку под очекувањата на аналитичарите.
Во декември, турската централна банка ја зголеми референтната каматна стапка за 250 базични поени на 42,5 отсто за да ја спречи девалвацијата на лирата и да ја скроти постојано високата инфлација.
Подготвено од А.Ѓ.
About Author
