04.01.2024 Скопје
Економската активност во производството на Соединетите Американски Држави во декември незначително се зголеми во однос на ноември, но 14-ти месец по ред е во зоната на контракција, односно пад на активноста, објави Американскиот институт за управување со набавки (ISM).
Индексот на менаџери за набавка (PMI) во САД се искачи на 47,4 поени во декември од 46,7 поени во ноември, но и понатаму е под 50 поени, со што е во зоната на пад на економската активност, се наведува на веб-страницата на ISM.
PMI се користи како показател за економската ефикасност во производството, а посакуваниот резултат над 50 поени би укажал на проширување, односно раст на активноста.
Во Соединетите Американски Држави, во декември е забележан пад на бројот на нови нарачки, како и пад на вработеноста и количината на стоки на залиха.
Бројките не укажуваат дека овој тренд наскоро ќе се промени, се заклучува во соопштението на ISM.
Подготвено од А.Ѓ.
About Author
