09.01.2024 Скопје
Француската премиерка Елизабет Борн поднесе оставка во понеделникот бидејќи претседателот Емануел Макрон се обидува да му даде нов поттик на својот втор мандат пред изборите за Европскиот парламент и Олимписките игри во Париз ова лето. Макрон веднаш не го именуваше нејзиниот наследник, но се огласи на мрежите.
Промената на премиерот доаѓа по една година нарушена со политички кризи предизвикани од спорните реформи на пензискиот систем и законите за имиграција.
Доаѓа и само пет месеци пред изборите за Европскиот парламент, при што се очекува евроскептиците да постигнат рекордни придобивки во време на широко распространето јавно незадоволство поради зголемените животни трошоци и неуспехот на европските влади да го ограничат миграцискиот тек.
Во Франција, анкетите покажуваат дека партијата на Макрон заостанува зад лидерката на екстремната десница Марин Ле Пен за околу осум до десет поени пред гласањето во јуни.
Шпекулациите за реконструкција на владата се шират неколку недели откако парламентот ги усвои построгите правила за имиграција, откри длабоки пукнатини во центристичкото мнозинство на Макрон. Самиот Макрон вети нова политичка иницијатива.
Madame la Première ministre, chère @Elisabeth_Borne, votre travail au service de notre Nation a été chaque jour exemplaire. Vous avez mis en œuvre notre projet avec le courage, l’engagement et la détermination des femmes d’État. De tout cœur, merci. pic.twitter.com/G26ifKfKzj
— Emmanuel Macron (@EmmanuelMacron) January 8, 2024
Подготвено од А.Ѓ.
About Author
