12.01.2024 Скопје
Зимата на северната хемисфера на Земјата го покажува своето вистинско лице, а иако деновите станаа подолги од 22 декември, недостатокот на дневна светлина сепак многу влијае на нашето однесување, како и на нашата емоционална состојба, изјавија научниците во најновото истражување.
„Зимската депресија, позната како сезонско афективно растројство, е состојба која е општо прифатена во светот, а нејзиниот главен симптом е постојаната тага која трае најмалку две недели. Дополнително, според проценката на експертите во најновото истражување, постои исто така екстремно однесување во исхраната – од целосно избегнување на храна до огромно прејадување, прекумерно спиење до чувство на безвредност“, се наведува во истражувањето.
Тие додаваат дека причината за појавата на зимската депресија научниците ја гледаат во намалувањето на нивото на дневна светлина, што го нарушува биолошкиот часовник на телото, а како резултат на тоа се нарушува регулацијата на невротрансмитерите важни за емоционална блокада.
„Во големото истражување со повеќе од 10.000 учесници, откриено е дека голем број од нив страдаат од зимска депресија, но и општа заматеност на телото, која се карактеризира со тешкотии во учењето, помнењето и забавената концентрација“, наведуваат научниците.
Експертите исто така ја поврзуваат зимската депресија со недостаток на витамин Д, за кој се верува дека помага во одржување на здравјето на мозокот.
Бројни истражувања досега ја поврзуваа должината на денот и емоционалната состојба на човекот, а најновото од серијата потврди дека недостатокот на дневна светлина влијае на појавата на депресија.
Подготвено од А.Ѓ.
About Author
