23.01.2024 Скопје
Колумбиската морнарица пресретнала подморница со речиси 800 килограми кокаин.
Подморницата долга 15 метри, позната како „нарко-подморница“, е првата откриена годинава и пресретната е во територијалните води на Колумбија.
Морнарицата ја проценува вредноста на заплената на околу 27 милиони долари, додавајќи дека се верува дека подморницата била насочена кон САД или Европа.
Уапсени се три лица кои биле во подморницата.
Морнарицата додаде дека го пресретнала бродот што транзитирал низ Пацификот во неделата.
Пронајдени се пакувања со кокаин хидрохлорид, со печат со скорпија или со ознака „Вини“ или „Карнал“.
Дрогата и шверцерите биле префрлени во Буенавентура, пристанишен град во Колумбија.
Подготвено од А.Ѓ.
About Author
