18.01.2024 Скопје
Кина е подготвена да игра конструктивна улога во посредувањето за постигнување мирно решение меѓу Пакистан и Иран, откако двете земји разменија прекугранични напади оваа недела, изјави кинескиот генерален конзул во Карачи Јанг Јундонг.
„Кина би сакала да ги информира Пакистан и Иран дека сакаме да одиграме конструктивна улога во решавањето на разликите меѓу двете земји“, изјави Јанг.
Кинескиот дипломат ги опиша Пакистан и Иран како главни земји во регионот и низ муслиманскиот свет и изрази надеж дека ќе се најде мирно и дипломатско решение за тензиите, се вели во извештајот.
Иран пред два дена изврши ракетни и беспилотни напади врз терористите од групата „Џаиш ал Адл“ во пакистанскиот регион Балучистан, на што денеска Пакистан одговори со прецизни удари врз „скривалиштата на терористите“ во иранскиот Систан и Белучистан.
Подготвено од А.Ѓ.
About Author
