04.01.2024 Скопје
Од српското Министерство за одбрана соопштија дека Генералштабот на српските вооружени сили покрена иницијатива и му предложи на претседателот на Александар Вучиќ повторно да се воведе обврска за служење на воениот рок, во времетраење до четири месеци.
Во соопштението се наведува дека тоа е направено со цел да се зголемат одбранбените способности на вооружените сили на Србија, преку подмладување и подобрување на пополнувањето и обуката на активните и резервните сили.
„Предлогот на Генералштабот на српските вооружени сили доаѓа по детално разгледување на општата безбедносна ситуација и современите предизвици со кои се соочува Република Србија како воено неутрална земја, што наметна потреба од прилагодување на моделот на регрутирање на српската Вооружени сили, со што би се овозможило зајакнување на севкупниот регрутен потенцијал и обука на поголем број граѓани за одбрана на нашата држава“, се вели во соопштението објавено на веб-страницата на Министерството за одбрана.
Подготвено од А.Ѓ.
About Author
