12.01.2024 Скопје
Аптеките низ БиХ потврдуваат чести случаи на недостиг на одредени лекови, па затоа на пациентите им препорачуваат замена, но се случува да не сакаат да ги прифатат.
Во една аптека во Мркоњиќ Град рекоа дека проблемот е што некои лекови моментално воопшто не се достапни.
„Имаме заменски лекови за оние кои недостигаат, но пациентите не се согласуваат. Тие го сакаат лекот кој им е запишан од страна на докторот, ниеден друг не сакаат. Потоа ќе поминат со сите аптеки, ѕвонат на сите страни, но се уверуваат дека немаат друго решение. Потоа контактираат со докторот или земаат замена во случаи кога можеме да обезбедиме замена. И генерално ги враќаме кај лекарите за тие да одлучат“, изјави фармацевт од Мркоњиќ Град.
Од аптека во Прњавор потврдија дека немаат одредени лекови во понудата.
„Се случува клиент да ни побара лек што го немаме. Има и лекови за кои немаме ни паралели. Еве, на пример, Вентолинот нема никаква паралела“, потврди фармацевт од Прњавор.
И фармацевтите во БиХ се соочуваат со слични проблеми. Така, работникот во аптеката во Кључ ни кажа дека има неколку примери каде што немаат ниту лек ниту замена.
„Веројатно има два-три лекови што ги немаме, ниту имаме замена. Не знам ни како се снаоѓаат пациентите“, ни рече фармацевтот во Кључ.
Работник во аптека во Широки Бријег вели дека во минатото имало случаи кога немало лекови, а таква е состојбата и сега.
„Има и други терапевтски опции. Одите кај доктор по семејна медицина или специјалист, за да ви препише друга терапија. Ако нема опција да се добие лек, пациентите се согласуваат на замена“, рекоа од аптеката во Широки Бријег.
Од Агенцијата за лекови и медицински помагала на Босна и Херцеговина потврдија дека во Босна и Херцеговина, пазарот повремено е во прекин во снабдувањето со одредени лекови.
Тие наведуваат дека голем број лекови имаат замена, во смисла дека се работи за лек со иста активна супстанција од друг производител или лек кој се користи за иста индикација.
„Ова е причина што досега немало поголеми проблеми во снабдувањето на пазарот“, велат од Агенцијата, но не прецизираат точно кои лекови најмногу недостасуваат на домашниот пазар.
БиХ не е сама кога станува збор за недостигот на одредени лекови. Таков пример може да се види, на пример, во Германија.
Германското здружение на лекари за деца и млади БВКЈ предупреди на големиот недостиг на лекови за деца и млади. Лекови како што е антибиотикот пеницилин се дефицитарни низ цела Германија.
„Затоа е опасно бидејќи пеницилинот е најдобриот антибиотик за стрептококни инфекции“, вели претседателот на Здружението, Мајкл Хумбан.
Во Хрватска нема таблети за кашлица кои може да ги препише само лекар. Магистерот по фармација Марина Марушиќ Фојс за локалните медиуми изјави дека моментално се регистрирани само неколку лекови, но има недостиг.
„Таблети со повисоки дози за возрасни се дефицитарни. Дефицитар е и сирупот за деца на рецепт, имаме само послаби таблети и сируп без рецепт“, рече таа.
Подготвено од А.Ѓ.
About Author
