07.12.2023 Скопје
Групата седум земји (Г7) најави директна забрана за увоз на руски дијаманти почнувајќи од 1 јануари, по што од 1 март ќе следуваат ограничувања на индиректниот увоз на скапоцени камења, беше објавено по онлајн самитот на Г7.
„До 1 јануари ќе воведеме ограничувања за увоз на неиндустриски дијаманти, ископани, преработени или произведени во Русија, по што од 1 март ќе следуваат дополнителни постепено ограничувања на увозот на руски дијаманти преработени во трети земји“, се вели во соопштението.
Земјите увозници на дијаманти Г7 ќе воспостават механизам за сертификација на груби дијаманти, според документот.
Забраната за увоз на необработени дијаманти со кои се тргува во земјите од Г7 ќе стапи на сила од 1 септември.
Во соопштението се посочува дека забраната ги исклучува дијамантите за индустриска употреба.
Дијамантите се еден од ретките преостанати големи руски извозни производи кои не биле цел на координирани западни санкции наметнати како одговор на специјалната воена операција во Украина.
Подготвено од А.Ѓ.
About Author
