13.12.2023 Скопје
Европскиот комесар за проширување Оливер Вархеји изјави дека на состанок на Советот за општи работи на ЕУ, на кој се разговарало за прашањето за проширување, биле усвоени заклучоците за Србија.
Одговарајќи на новинарско прашање дали очекува заклучоците за Србија да бидат усвоени пред Европскиот совет, Вархеји рече дека заклучоците за Србија се веќе усвоени и дека нема точки за одлучување за Европскиот совет.
„Препораките за Србија се во заклучоците на Советот за општи работи усвоени“, рече Вархеји на прес-конференцијата.
Тој посочи дека денес во Брисел ќе се одржи самитот ЕУ-Западен Балкан и дека овие заклучоци претставуваат основа за тие разговори бидејќи, како што наведе, не се однесуваат само на оценката на годишните резултати на земјите кандидати, туку се размислува и за нов политички предлог за забрзување на процесот на проширување, а тоа е Планот за раст за Западен Балкан.
„Се надевам дека денешниот самит за Западен Балкан не само што ќе ја потврди корисноста на овој предлог, туку веднаш ќе ја преземе сопственоста од земјите-членки и нашите партнери од Западен Балкан“, рече Вархеји.
Тој оцени дека ова е значајна година за политиката на проширување на ЕУ и изрази задоволство бидејќи Советот за општи работи дал предлози за Европскиот совет.
„Заклучоците донесени денеска се фундаментални за секој напредок во политиката на проширување и за продолжување на проширувањето“, рече Вархеји.
Тој наведе дека заклучоците на Советот за општи работи во голема мера ги потврдиле суштинските извештаи за десетте земји кандидати кои се доставуваат до Европскиот совет.
Вархеји додаде дека сега треба да видиме како тоа ќе биде „преведено во повеќе стратешки одлуки“ од лидерите на ЕУ на состанокот на Европскиот совет.
Подготвено од А.Ѓ.
About Author
