26.12.2023 Скопје
Полицијата на Шри Ланка соопшти дека петнаесет илјади осомничени криминалци и зависници од дрога се приведени во еднонеделна операција.
Оттаму велат дека акцијата довела до запленување на речиси 440 килограми разни видови наркотици, меѓу кои и хероин.
Снимките од локалните медиуми покажуваат полицајци со кучиња трагачи како пребаруваат домови во Коломбо и на други места.
Активистите за човекови права изјавија дека рациите биле незаконски бидејќи биле извршени без налог за претрес.
Портпаролот на полицијата рече дека не секогаш се потребни налози за такви дејствија при потрага по дрога.
Официјални лица велат дека за време на операцијата биле уапсени вкупно 13.666 осомничени, а 1.097 зависници биле испратени во воен центар за рехабилитација.
Запленети се и возила и имот на осомничени криминалци.
Активистите рекоа дека рациите биле насочени кон сиромашните населби.
Според експертите, трговците со луѓе ја користат Шри Ланка како центар, а дрогата што минува низ земјата, имено хероинот, хашишот и канабисот, создава сериозни проблеми.
Официјални лица велат дека рациите се прекинати за Божиќ, но ќе продолжат следната недела.
Подготвено од А.Ѓ.
About Author
