01.12.2023 Скопје
Продолжен е рокот за замена на регистарските таблички издадени од Министерството за внатрешни работи на Србија со ознаките на градовите во Косово и Метохија – Приштина, Косовска Митровица, Гњилане, Призрен, Пеќ и Урошевац – за табличките РКС издадени од привремени институции во Приштина.
Наместо утре, пререгистрацијата е продолжена до 15 декември, одлучено е доцна попладне. Во меѓувреме, граѓаните од север земаат таблички РКС за да можат да се движат наоколу и да избегнат казни.
Од привремените институции во Приштина објаснуваат дека причина за поместување на датумот се големиот број барања за регистрација на возила на таблички на РКС.
Што кога одлуката ќе стапи на сила?
Барањето за продолжување на рокот претходно беше побарано од Дирекцијата на косовската полиција за северниот регион од косовското Министерство за внатрешни работи. Позитивниот одговор, велат, не ја менува состојбата на терен по стапувањето во сила на одлуката.
„Кога ќе видиме автомобил со КМ таблички, го третираме како нерегистриран автомобил што не треба да биде во сообраќај. Тоа практично значи – што ќе правиме – даваме казна од 150 евра, ги земаме табличките, документите и возачот мора да го тргне автомобилот од сообраќај, да вози до дома. Ако го видиме друг пат – тогаш конфискуваме“, рече Ветон Ељшани, заменик командант на косовската полиција во северниот регион.
Иако нема прецизни податоци, косовската полиција проценува дека досега се пререгистрирани речиси 4.000 возила со таблички РКС.
Според досега достапните податоци, барем уште толку автомобили се со српски таблички.
„Можеме да очекуваме некои мерки против тие автомобили – така што или ќе се бара да се плати дополнително осигурување, или тие нема да можат да бидат на територијата на Косово подолго од три месеци, или некои слични притисоци врз тие автомобили треба да се очекуваат затоа што генерално секој човек што има косовски документи треба да се возат со косовски регистерски таблички“, вели Милица Андриќ Ракиќ од невладината „Нова социјална иницијатива“ од Косовска Митровица.
Прашањето за укинување на табличките КМ на северот на Косово и Метохија беше покренато пред повеќе од две години од Албин Курти.
Следеа многубројни кризи – барикади, разрешување на полицискиот директор за северниот регион, напуштање на косовските институции.
Имаше и неколку случаи на палење автомобили кои ги заменија српските таблички со таблички РКС.
За разлика од северниот, јужно од Ибар, српските регистарски таблички не се во оптек повеќе од една деценија.
Подготвено од А.Ѓ.
About Author
