06.12.2023 Скопје
Селафилд е најопасното нуклеарно место во Обединетото Кралство, но и во Европа.
Зголеменото истекување од огромниот силос на радиоактивен отпад може да претставува опасност за јавноста.
Според медиумите, на граѓаните веќе им било кажано дека доколку почувствуваат дека им се лупи кожата, им тече носот, им паѓаат забите, им опаѓа косата и им се пројавува слепило, веднаш да се јават во Итна медицинска помош.
Се појавија пукнатини во бетонската и асфалтната површина над огромното езеро каде нуклеарниот талог се чува со децении (тој „токсичен“ резервоар е познат и како Б 30).
Загриженоста за безбедноста на зградата која се распаѓа, позната и како силос Магнокс, предизвика дипломатски тензии со САД, Норвешка и Ирска, кои стравуваат дека Селафилд не успеал да ги реши проблемите.
Исто така, се проценува дека ова истекување ќе продолжи до 2050 година.
„Доколку тој процес се забрза, може да има значителни последици, а една од нив е загадувањето на подземните води“, наведуваат медиумите.
Во Селафилд работат 11.000 луѓе, а неговата задача е складирање и преработка на нуклеарниот отпад од програмата за оружје и производството на нуклеарна енергија. Тоа е најголемиот таков објект во Европа.
Документ од 2022 година предупредува на „кумулативен ризик“ од дефекти кои се движат од нуклеарна безбедност до стандарди за азбест и оган.
„Ризиците од истекување на хемикалии во Селафилд се длабоко зафатени под тепихот“, рече научник од експертската комисија која ја советува британската влада за здравствените ефекти од радијацијата.
Исто така, во извештајот на ЕУ од 2001 година се наведува дека несреќата во „Селафилд“ би можела да биде полоша од Чернобил, бидејќи „Селафилд“ содржи значително повеќе радиоактивен материјал од нуклеарната централа во Украина.
Понатаму се наведува дека испуштањето на радиоактивен отпад во атмосферата ќе доведе до експлозии и ќе предизвика авионски несреќи.
Ирската влада, која исто така е загрижена за негативните влијанија врз животната средина, се обиде да преземе акција против Селафилд пред судот на ОН во 2006 година.
B 30, базен кој содржи нуклеарна тиња и опишан како една од најопасните индустриски згради во Европа, е исто така голема закана.
Опишан од работниците во Селафилд како „Валкани 30“, содржи радиоактивен талог од кородирани прачки од нуклеарно гориво што се користат во старите електрани. Пукнатините во него се влошија во последните месеци, тврди еден извор.
Подготвено од А.Ѓ.
About Author
