22.12.2023 Скопје
Станува збор за првиот робот-асистент во хрватските болници, на кој за неколку месеци ќе поминат обука дванаесет членови на медицинскиот персонал.
Сместено е во операционата сала, а конзолата за вежбање е во одделението каде лекарите во четвртокот ги почнаа вежбите. На почетокот на неделата во хируршката клиника КБЦ Сплит пристигна роботот Хуго РАС, прв од ваков вид во Хрватска, кој наскоро ќе им помага на лекарите при операции, а вреди 5,6 милиони евра. Системот за роботска хирургија беше инсталиран, калибриран и тестиран, а спроведена е и симулациска обука за дел од персоналот.
Медицинскиот персонал моментално се обучува за работа на Хуго, а првите операции се очекуваат во март следната година.
Раководителот на Клиниката за хирургија на КБЦ Сплит, Здравко Перко, рече дека станува збор за апарат кој овозможува извршување на минимално инвазивни операции. Станува збор за напредна технологија, поради што болницата очекува подобри резултати од лекувањето на пациентите, особено на најтешките.
„Ќе работиме на полето на абдоминална, торакална, уролошка и гинеколошка хирургија“, додаде Перко.
„Роботот значи многу не само за нашата клиника, туку и за целата болница каде што ќе се подобрат хируршките процедури. Хирурзите ќе продолжат да оперираат, но со помош на Хуго, односно хирургија со помош на робот, операциите ќе бидат попрецизни и ќе може да се прават покомплицирани зафати“, објасни Перко.
Во зависност од сложеноста на операцијата, Хуго на почетокот ќе им помага на лекарите во две операции дневно, а со тек на време ќе се види како КБЦ ќе се организира за идните операции.
Подготвено од А.Ѓ.
About Author
