07.12.2023 Скопје
Со претстојните избори за ЕУ во јуни, истражувањето нарачано од Европскиот парламент покажа дека повеќе од 70 отсто од граѓаните на ЕУ веруваат дека имаат корист од членството на нивната земја во Европската унија.
Испитаниците наведоа причини како што е фактот дека ЕУ го одржува мирот и ја подобрува соработката меѓу земјите, покажа истражувањето.
„Имиџот на ЕУ остана стабилен од март 2023 година, при што 45 отсто од граѓаните на ЕУ имаат позитивна слика за блокот, 38 отсто имаат неутрална слика, а 16 отсто имаат негативна слика“, се наведува во извештајот.
Податоците од истражувањето покажаа дека има поголем интерес за гласање на изборите за ЕУ следната година, при што веројатно ќе гласаат 68 отсто од луѓето, што е за десет процентни поени повеќе од пред пет години.
„Повеќе граѓани се заинтересирани за европските избори во 2024 година или велат дека би гласале на избори сега отколку во 2018 година“, се наведува во него.
Сепак, економското расположение е на ниско ниво, а повеќето Европејци очекуваат пад на животниот стандард следната година.
Неодамнешните избори, како на пример во Холандија, покажаа дека екстремната десница сè повеќе добива на сила во Европа, користејќи гнев поради кризата со трошоците за живот и антиимиграциската реторика, меѓу другите тактики.
Екстремно десничарската група „Идентитет и демократија“ (ИД) сега е шеста по големина во парламентот на ЕУ, зад либералните, зелените и конзервативните групи, но сегашните податоци од анкетите би ја ставиле на четвртото место.
Подготвено од А.Ѓ.
About Author
