06.12.2023 Скопје
Италијанскиот производител на луксузни автомобили Ламборџини постигна договор со синдикатите ФИОМ и ФИМ-ЦИСЛ за воведување четиридневна работна недела за своите производствени работници, претставниците на компаниите и работничките здруженија.
Синдикатите ФИОМ и ФИМ-ЦИСЛ го нарекоа договорот историски бидејќи Ламборџини, како прва компанија во европската автомобилска индустрија, значително го намалува работното време без намалување на платите.
„Работејќи се помалку и подобро, тоа е принципот по кој се водеа овие преговори“, се вели во соопштението на синдикатот.
Работниците во производството, со ротирачки двосменски распоред, ќе ја менуваат петдневната недела со четиридневна недела и ќе работат 22 дена помалку секоја година од претходно.
Вработените кои работат во три смени ќе имаат петдневна работна недела која наизменично ќе се менува со две четиридневни работни недели, што значи дека секоја година ќе работат 31 ден помалку од досега, се заклучува во соопштението.
Подготвено од А.Ѓ.
About Author
