26.12.2023 Скопје
Колагенот е вид на протеин во нашето тело и е од клучно значење за здрава кожа, зглобови и коски.
Одреден вид на храна го поттикнува стареењето на кожата, а пред се тоа се однесува на храна како бел шеќер, високо рафинирани јаглехидрати, газирани пијалоци, сушени производи од месо, но и конзервирана храна, храна со прекумерна количина сол, храна пржени во масло и алкохол. Затоа, за да ја одржите кожата млада, мора да се грижите за правилна и урамнотежена исхрана. Имено, диетата базирана на внесување на цели зрна, овошје, зеленчук, млечни производи со малку маснотии и живина и риба содржи се што и е потребно на кожата за успешно да се спротивстави на стареењето.
Како што се намалува нивото на колаген, кожата ја губи својата способност да ја задржува влагата, што може да предизвика појава на фини линии и брчки. Следниот вообичаен знак е сува кожа. Колагенот помага да се задржи кожата хидрирана, па кога нивото ќе се намали, може да стане сува и ронлив. Може да забележите и дека на вашата кожа и недостасува еластичност. Како што се намалува нивото на колаген, кожата може да стане помалку еластична и лабава. Недостатокот на колаген е еден од виновниците за хиперпигментацијата бидејќи овој протеин помага во рамномерна распределба на пигментот во кожата. Како што се намалува нивото, на кожата може да се појават старечки дамки или друга нерамна пигментација. Затоа, најдобриот начин за надополнување на колагенот е со храна.
Највкусниот начин да го подобрите снабдувањето со колаген во вашето тело е да ја зголемите храната богата со колаген и да го зголемите внесот на овие здрави овошја и зеленчук:
Папаја – богата е со ензимот папаин, кој го стимулира производството на колаген;
Спанаќ – високи дози на витамин Ц го поддржуваат производството на колаген;
Морков – го успорува разградувањето на колагенот;
Бадемите – како одличен извор на цинк и бакар, го поттикнуваат производството на колаген;
Краставици – не само што го стимулираат производството на колаген, туку и го забрзуваат процесот на регенерација на клетките;
Лук – го поддржува производството на колаген и ја намалува појавата на хиперпигментација;
Авокадо – благодарение на влакната и витаминот Е го успорува разградувањето на колагенот;
Домат – поради изобилството на витамин Ц го поттикнува производството на колаген, додека ликопенот ја штити кожата од слободните радикали.
Подготвено од А.Ѓ.
About Author
