05.12.2023 Скопје
Американскиот технолошки гигант Google го отвори најголемиот центар за сајбер безбедност во Европа во Малага, Шпанија. Во исто време, компанијата предупреди дека сајбер нападите стануваат се почести и предизвикуваат пореметувања во политичките системи.
Компанијата, која веќе има центри за сајбер безбедност во Минхен и Даблин, објасни дека центарот во Малага ќе биде домаќин на експерти кои развиваат алатки за борба против сајбер заканите. Центарот ќе помогне и во обуката на државните службеници, деловните и невладините организации.
Кент Вокер, шеф за глобални прашања во Гугл, на отворањето на центарот им објасни на новинарите дека бројот на сајбер напади се зголемил за 38 отсто минатата година и дека тие стануваат поагресивни.
„За да се бориме против заканата, мораме да соработуваме на меѓународно ниво“, рече тој.
Во видео обраќање, потпретседателката на Европскиот парламент, Дита Чаранзова, ги истакна проценките дека секој ден се преземаат околу 230.000 парчиња злонамерен софтвер.
„Не се сомневаме дека европските избори ќе станат цел на дезинформации и сајбер-мешања“, рече таа.
Google со години ги зајакнува своите способности за борба против сајбер заканите. Го купи стартапот VirusTotal од Малага пред една деценија и сега може да се пофали со една од најголемите бази на податоци за малициозен софтвер во светот.
Во исто време минатата година американскиот технолошки гигант ја купи американската компанија за сајбер безбедност Mandiant за повеќе од пет милијарди долари, што претставува една од аквизициите на Google.
Подготвено од А.Ѓ.
About Author
