13.12.2023 Скопје
Германската коалициска влада, која ја сочинуваат Зелените и либералите заедно со социјалдемократите на канцеларот Олаф Шолц, постигна договор за буџетот за 2024 година.
Германската коалициска влада се соочува со криза откако Уставниот суд минатиот месец пресуди против нејзините буџетски планови и ја забрани употребата на специјални фондови за финансирање низа мерки, од индустриски проекти до проекти за социјална заштита.
За време на мандатот на Ангела Меркел како канцелар во 2009 година, Германија во својот устав ја воведе таканаречената „должничка кочница“. Ова го ограничи буџетскиот дефицит на 0,35 отсто од бруто домашниот производ, а оваа мерка може да биде суспендирана во итни случаи, се додека парламентот го поддржи потегот. Ова се случи од 2020 до 2022 година, прво за да се справиме со последиците од пандемијата на коронавирус, а потоа и со енергетската криза предизвикана од руската инвазија на Украина.
Тој требаше повторно да стапи во сила годинава, но поради буџетската криза министерот за финансии Кристијан Линднер побара повторно негово суспендирање.
На 15 ноември, Уставниот суд на Германија пресуди дека владејачката коалиција на канцеларот Олаф Шолц дејствува спротивно на „сопирачката за долгот“.
Судот така одлучи како одговор на правната жалба на конзервативните опозициски партии Христијанско-демократската унија (ЦДУ) и Христијанско-социјалната унија (ЦСУ).
Подготвено од А.Ѓ.
About Author
