20.12.2023 Скопје
Преку видео лотарија ,фондацијата за образовна и хуманитарна општествена дејност ЕДУКАТА, ќе додели стипендии уште за 10 редовни студенти, првпат запишани на студиската 2023/2024 година на додипломски студии на првиот циклус на државните универзитети во Република Северна Македонија.
Десетте стипендии што ги доделува фондацијата ЕДУКАТА се од следниве категории:
- две стипендии за студентите на студиите од Медицинскиот факултет;
- две стипендии за студентите на студиите на ФЕИТ;
- две стипендии за студентите на студиите на Економскиот факултет, и тоа за насоките сметководство и ревизија;
- четири стипендии за студентите на Филозофскиот факултет, и тоа, две стипендии за насоката, социјална работа и социјална политика и две стипендии за насоката социјална едукација и рехабилитација.
Секој избран студент кој ќе ги исполни бараните критериуми на конкурсот за стипендирање, како и секогаш од фондацијата ЕДУКАТА ќе добијат поддршка за целокупниот факултетски развој се до завршувањето на студиите и тоа по 18 000 денари по студент во времетраење од 10 месеци во текот на една студенска година.
Како претходните конкурси, така и овој, фондацијата ЕДУКАТА става акцент на надарените ученици и студенти од социјално загрозени семејства, кои се амбициозни за стекнување знаења и вештини, а немаат финансиски средства.
Конкурсот ќе биде отворен до 31.12.2023 година и сите информации можат да се добијат на официјалната страна на фондацијата ЕДУКАТА: edukata.mk.
Подготвено од М.Д.
About Author
