19.12.2023 Скопје
Франција го воведува таканаречениот „социјален лизинг“, идеја која подразбира пад на штетните гасови, зголемување на производството и помош на социјално привилегираните семејства.
Заинтересираните сега можат да се пријават онлајн, а потоа од јануари да купуваат електрични автомобили за 100 евра или помалку месечно. Понудата е наменета за домаќинства чии референтни приходи се помали од 15.400 евра годишно.
Услов е и купувачот да живее најмалку 15 километри од своето работно место или да патува повеќе од 8.000 километри годишно поради работа.
За 2024 година понудата ќе биде ограничена на 20.000 до 25.000 можни регистрации, но подоцна постепено ќе се проширува.
Субвенциите изнесуваат 13.000 евра за секој изнајмен автомобил. Договорите треба да траат три години и ќе бидат обновливи.
Автомобилите се одговорни за повеќе од 15 проценти од емисиите во Франција. Владата сака да ја намали оваа квота за да може да ги исполни целите за намалување на штетните гасови до 2030 година.
Освен тоа, Франција сака да го поттикне европското и уште повеќе домашното производство.
„Сакаме да помогнеме, пред се, да купиме електрични автомобили што се произведуваат во нашата земја“, изјавија оттаму.
Најевтините понуди за „социјален лизинг“ изнесуваат 54 евра месечно без осигурување. Моментално се однесуваат на модели произведени во Европа, но не и во Франција. Во иднина веќе нема да има субвенции за електричните автомобили од кинеските производители.
Подготвено од А.Ѓ.
About Author
