29.12.2023 Скопје
Се чини дека информациите од „Ас“ не беа од шеговит карактер, Карло Анчелоти навистина ќе остане во Реал и кога ќе заврши оваа сезона. И не само овој, туку се чини дека го продолжи договорот до јуни 2026 година.
Според сознанијата, раководството на Реал и Карло Анчелоти постигнале договор со кој Италијанецот би останал на клупата до јуни 2026. Актуелниот договор му истекува следното лето, а без разлика што со месеци се претпоставуваше дека ќе замине во Бразил да ја тренира репрезентацијата таму, искусниот стратег цело време потенцираше дека добро се забавува во Шпанија, а претседателот на клубот Флорентино Перес овие сигнали ги сфати како идеална основа за продолжување на соработката.
Јавноста беше малку збунета кога Ас во четвртокот објави дека на повидок е договор, бидејќи 28 декември во Шпанија е она што е 1 април во остатокот од светот, сепак, постојат сите шанси тоа да не е шега и дека навивачите на Реал ќе го добијат најдоброто пакетче под елката.
Треба да се радуваат за него, бидејќи Карло Анчелоти на клупата на Реал досега оствари 188 победи на 260 натпревари, а прегрна десет пехари.
Подготвено од А.Ѓ.
About Author
