21.11.2023 Скопје
Утринава во 6.33 часот во СВР Скопје пријавено е дека на подрачјето на општина Аеродром настанал пожар во возило „пежо“, сопственост на Т.С. и патничко возило „санг јонг“, сопственост на К.Х., информираат од Министерството за внатрешни работи.
Едното возило се запалило па пожарот се проширил и на соседното возило.
Брзата реакција на пожарникарите, спречила поголема катастрофа, бидејќи запалениот автомобил се наоѓал на паркинг на кои имало и десетици други возила, паркирани едно до друго.
Жителите од околните згради на Ново Лисиче го имаат забележано пожарот и ја имаат алармирано противпожарната служба, која интервенираше веднаш.
Подготвено од М.Д.
About Author
