09.11.2023 Скопје
Жените во Велика Британија се на врвот на светската листа кога станува збор за консумирање алкохолни пијалоци, се наведува во извештајот на Организацијата за економска соработка и развој (ОЕЦД).
Споменатата студија го споредила консумирањето алкохол во 33 земји, а кога станува збор за Британките, истражувањата покажуваат дека 26 отсто од нив пијат најмалку шест алкохолни пијалоци во еден интервал најмалку еднаш месечно.
Меѓутоа, кај Британците тој резултат е многу поголем и изнесува 45 проценти. Кога станува збор за комбинацијата на двата пола, Обединетото Кралство е рангирана на третото место со Луксембург во рангирањето за пиење, зад Романија и Данска.
Во врска со ова, извршниот директор на организацијата „Alcohol Change UK“ д-р Ричард Пајпер рече дека „алкохолот предизвикува преголема штета во Британија“, што, како што вели, сепак може „целосно да се елиминира“.
„Постои огромна потреба владата да воведе мерки за кои знаеме дека ќе ја намалат штетата од алкохолот и ќе спасат животи, како што е соодветна контрола на маркетингот на алкохол и појасно етикетирање“, рече Пајпер.
Извештајот на ОЕЦД, исто така, покажа дека возрасните во ОК имаат поголема веројатност да кажат дека пушат во споредба со другите земји, но и покрај тоа што имаат пониска стапка на пушење од просечната.
Во моментов, само 12,7 отсто се пушачи во ОК, во споредба со просекот на ОЕЦД од 16 отсто. Сепак, речиси еден од 20 возрасни (4,9 проценти) изјавиле дека пушат редовно, во споредба со просекот од 3,2 проценти.
Извештајот, исто така, покажа дека Британија троши повеќе за здравствена заштита од споредливи земји, но има помалку болнички кревети и дијагностички алатки, а помалку ги плаќа медицинските сестри.
Велика Британија троши повеќе од просекот за ресурсите на здравствениот систем, кој изнесуваше 11,3 отсто од БДП во 2022 година.
Подготвено од А.Ѓ.
About Author
