11.11.2023 Скопје
Украина нема да престане да се бори против Русија додека не ги преземе сите територии што ги смета за свои, изјави претседателот Володимир Зеленски, додавајќи дека повлекувањето на американската поддршка нема да влијае на политиката на Киев во овој поглед.
„Ако Вашингтон ја прекине својата воена и финансиска помош за Киев, Украина ќе продолжи да се бори без САД“, рече Зеленски на прашањето дали е „загрижен“ за потенцијалните промени во американската надворешна политика доколку Доналд Трамп победи на претседателските избори во 2024 година.
Претходно, Трамп постојано ветуваше дека ќе изработи мировен договор меѓу Москва и Киев „во рок од 24 часа“ доколку биде избран во 2024 година.
„Ако тоа ќе ви ја промени надворешната политика, што да кажам? Добро, ќе се бориме без вас“, рече Зеленски, додавајќи дека тоа е наводно волја на украинскиот народ. Тој додаде дека единствениот „вистински начин да се запре војната“ е руските сили да се повлечат од сите територии на кои Киев претендира. Тој додаде дека е сигурен дека московските трупи „ќе го направат тоа“, без да наведе детали.
Украинскиот лидер исто така рече дека „било кој“ американски претседател би и помогнал на Украина доколку ги знае „сите предизвици и резултатот и штетата од војната“.
Подготвено од А.Ѓ.
About Author
