16.11.2023 Скопје
ЕУ ја нагласи потребата од поголем ангажман на други големи платформи како Google, TikTok, Microsoft и Meta во борбата против дезинформациите.
Европската унија ја издвои социјалната мрежа Х, порано позната како Твитер, како главен извор на дезинформации, повикувајќи го сопственикот Илон Маск да ги засили напорите за сузбивање на лажните вести. ЕУ, исто така, ја нагласи потребата од поголем ангажман на други големи платформи како Google, TikTok, Microsoft и Meta во борбата против дезинформациите.
Во својата неодамнешна студија за онлајн платформите во Полска, Словачка и Шпанија, Европската комисија го идентификуваше X како примарна платформа за ширење дезинформации.
Вера Јурова, потпретседател на Европската комисија, истакна дека X има најголем удел на објави со дезинформации меѓу анализираните платформи, истакнувајќи ја брзината со која лажните вести се шират меѓу корисниците.
Откако Илон Маск го презеде Х, има зголемување на дезинформациите.
Џејсон Молика, професор на Факултетот за комуникации на Американскиот универзитет, истакнува дека одлуката на Маск да се откаже од „Кодексот на пракса на ЕУ против дезинформации“ наиде на критики од ЕУ, особено откако откри дека платформата придонесува за ширење на пропаганда.
Исто така, извештајот на организацијата Climate Action Against Desinformation покажува дека X се покажа најлошо во борбата против климатските дезинформации и кампањите за „зелено перење“.
ЕУ посочува дека социјалните мрежи како Х мора да преземат посериозни чекори во борбата против дезинформациите. Вера Јурова од Европската комисија изразува очекување дека платформите ќе вложат поголеми напори во борбата против лажните вести.
Подготвено од А.Ѓ.
About Author
