06.11.2023 Скопје
Состојка која често се користи во газираните сокови со вкус на лимон наскоро би можела да биде забранета.
Американската Администрација за храна и лекови предложи да се укине регистрацијата на модифицирано растително масло познато како бромирано растително масло (BVO) по неодамнешните токсиколошки студии.
„Предложената акција е пример за тоа како агенцијата ги следи новите докази и, како што е соодветно, спроведува научни истражувања за да одговори на безбедносни прашања и презема регулаторни дејствија кога науката не поддржува континуирана безбедна употреба на адитиви во храната“, рече Џејмс Џонс од Администрација за храна и лекови.
Патем, ова бромирано растително масло се користи од 1930-тите и неговата цел е да обезбеди вкусовите на лимонот да не испловат до врвот. Студиите на животни покажаа дека може постепено да се акумулира во масното ткиво. Бромот исто така има способност да го спречи јодот од нормалното функционирање на тироидната жлезда, а веќе е забранет во Индија, Јапонија и земјите од Европската унија.
Студијата во Обединетото Кралство во 1970-тите покажа дека бромот се акумулира во човечките ткива, а студиите на животни ги поврзуваат високите концентрации на BVO со проблемите со срцето и однесувањето.
Беше потребно време и голем број понатамошни студии, но врз основа на поновите студии на животни, врз основа на релативните концентрации на BVO што луѓето можат да ги консумираат, FDA конечно е убедена дека има доволно докази за целосно да се забрани неговата употреба.
Подготвено од А.Ѓ.
About Author
