02.11.2023 Скопје
Белата куќа денеска објави дека Америка нема да испраќа свои војници во Газа за каква било идна мировна улога.
„Нема планови или намери за испраќање американски војници во Појасот Газа, сега или во иднина“, изјави портпаролот на Белата куќа Џон Кирби.
Тој изрази уверување дека палестинската исламистичка организација Хамас не може да учествува во идното раководство на Појасот Газа по завршувањето на конфликтот со Израел.
„Не веруваме дека Хамас може да биде дел од идната влада во Газа. Што ќе се случи по крајот на конфликтот, ги немаме сите одговори, но работиме со партнерите во регионот за да размислиме каква влада може и треба да биде во Газа“, додаде Кирби.
Подготвено од А.Ѓ.
About Author
