27.11.2023 Скопје
Инвеститорите го продаваат американскиот долар со највисока стапка во текот на годинава, поради бранот облози дека американската централна банка ја завршила својата рекордна кампања за зголемување на каматните стапки и дека ќе ги намали следната година.
Инвеститорите се на пат да продадат 1,6 отсто од нивните отворени позиции во долари овој месец, што е најголем месечен одлив од ноември минатата година, според State Street, сопственик на имот од 40 милијарди долари.
Менаџерите продаваат „значително“ секој ден од објавувањето на послабите од очекуваните податоци за работните места во САД на 3 ноември. Како резултат на тоа, американскиот долар го постигна најлошиот месечен резултат во годината, а аналитичарите велат дека распродажбата може да означи само почеток на долгорочниот тренд на намалување на изложеноста на американските средства.
„Протоците во изминатите две недели укажуваат на брза реевалуација на побарувачката за доларот“, рече Мајкл Меткалф, раководител на макро стратегија на Стејт Стрит.
Тој додава дека неодамнешната продажба фрлила светлина врз невообичаено големата изложеност на доларот.
„Инвеститорите чувствуваат дека ако се случат намалувања на каматните стапки, тогаш не треба да држат толку многу долари“, додаде Меткалф.
Според податоците на Стејт Стрит, во последните две децении, имало само шест такви нагли падови на изложеноста на американските средства.
Последната се случи во ноември минатата година кога индексот на доларот, мерило за неговата сила во однос на кошницата од шест валути, ослабна за околу 10 отсто до крајот на јануари. И покрај распродажбата, менаџерите на средства сè уште држат премногу од доларот во однос на другите валути, што е знак дека слабоста на доларот може да продолжи, рече Меткалф.
Подготвено од А.Ѓ.
About Author
