29.11.2023 Скопје
Во третиот квартал од 2023 година, во однос на вториот квартал од 2023 година, вкупниот сезонски прилагоден промет во хотелиерството и угостителството во Босна и Херцеговина забележа раст од 1,7 отсто.
Прометот во областа – Сместувачките дејности бележи намалување од 2,5 отсто во однос на вториот квартал од 2023 година, додека прометот во областа – Подготовка на храна и пијалаци и услужни дејности бележи раст од 5,5 отсто.
„Календарски прилагодениот вкупен промет во хотелиерството и угостителството во третиот квартал од 2023 година бележи раст од 15,8 отсто во однос на третиот квартал од минатата година, додека прометот во областа – Сместување е повисок за 9,4 отсто во однос на остварен промет во истиот квартал од 2022 година“, се податоците на Федералниот завод за статистика.
Прометот во областа – Активности за подготовка и послужување пијалоци во третото тримесечје од годинава е за 23,4 отсто поголем во однос на истиот квартал лани.
Податоците за прометот во хотелиерството и угостителството се од статистичкото истражување Квартални показатели во хотелиерството и угостителството, а истражувањето е спроведено врз основа на Законот за статистика во Босна и Херцеговина.
Подготвено од А.Ѓ.
About Author
