06.11.2023 Скопје
Властите во Њу Делхи ќе ја ограничат употребата на возила на седум дена меѓу 13 и 20 ноември за да го спречат загадувањето на воздухот, рече министерот за животна средина на Делхи, Гопал Раи.
Одлуката е донесена откако квалитетот на воздухот остана во категоријата „многу лош“.
Новите правила ќе овозможат возила со непарни таблички да возат на непарни датуми, а слично на возилата со парни таблички ќе им биде дозволено да возат во другите денови.
Њу Делхи често се рангира меѓу најзагадените градови во светот секоја година пред почетокот на зимата во ноември, кога мирните ветрови и студените температури ги задржуваат загадувачите што се емитуваат од многу извори.
Квалитетот на воздухот денеска трет последователен ден во градот беше опишан како „сериозен“, соопшти федералното тело за контрола на загадувањето, принудувајќи ја градската влада да го продолжи затворањето на основните училишта до 10 ноември.
„Постои можност загадувањето на воздухот да се зголеми по празникот Дивали“, рече Раи, мислејќи на хиндуистичкиот фестивал на 12 ноември за време на кој често се палат петарди, кои се забранети, што го влошува загадувањето на воздухот.
Натпреварот од Светското првенство во крикет помеѓу Шри Ланка и Бангладеш се одржа во Делхи, а организаторите поставија прочистувачи на воздухот во соблекувалните на играчите и користеа прскалки за вода за да ги намалат загадувачите во воздухот.
Подготвено од А.Ѓ.
About Author
