21.11.2023 Скопје
Кинеското Министерство за надворешни работи денеска оцени дека би било „сериозна грешка“ на аргентинската дипломатија доколку земјата ги прекине односите со големите земји како Кина или Бразил.
Портпаролката на кинеското Министерство за надворешни работи Мао Нинг на редовна прес-конференција изјави дека Кина е важен трговски партнер за Аргентина и дека аргентинската влада придава големо значење на односите со Пекинг.
Во неделата, Аргентина го избра десничарскиот слободар Хавиер Мајли за нов претседател. Мајли претходно ги критикуваше Кина и Бразил, велејќи дека нема да се занимава со „комунистите“, туку би сакал посилни врски со САД.
Дијана Мондино, најавена економистка како нова шефица на дипломатијата, рече дека нејзината земја нема да се приклучи на БРИКС.
Аргентина беше меѓу шесте земји поканети да станат нови членки на БРИКС, блокот составен од Бразил, Русија, Индија, Кина и Јужна Африка.
Аргентина ќе ги „прекине интеракциите“ со владите на Кина и Бразил, изјави Мондино на прашањето дали Аргентина ќе ја поттикне трговијата од земјата.
„Двете страни имаат силна економска комплементарност и огромен потенцијал за соработка. Кина е подготвена да продолжи да работи заедно со Аргентина за промовирање на стабилноста и долгорочниот развој на билатералните односи“, рече Мао на прашањето на новинарите да ги коментира изјавите на Мондино.
Подготвено од А.Ѓ.
About Author
