20.10.2023 Скопје
Собранието на Република Северна Македонија денеска ја одржува 131. пленарна седница.
Како втора точка на дневен ред се предлог-измените на Одлуката за основање на Анкетната комисија за случувањата на Клиниката за онкологија поднесени од опозицијата со кои се бара продолжување на рокот за повикување на сведоци за нови 30 дена.
Во образложението на Предлог-измените се наведува дека во текот на изминатиот месец каде што се сослушувани сведоци односно експерти, повеќе прашања и дилеми беа отворени отколку што беа разјаснети. Поради тоа што се појавија нови и важни околности за Анкетната комисија кои треба да придонесат до конечно утврдување на политичка одговорност и утврдување на прекршувањата на уставните и законските одредби, потребно е да се продолжи рокот за повикување на сведоци односно експерти во траење од 30 дена.
На дневен ред на пленарната седница се и предлог одлуката за избор на директор на Оперативно-техничката агенција (ОТА), предлог одлуката за избор на претседател и членови на Комисијата за жалби по јавни набавки, како и предлогот за избор на судија на Уставниот суд.
Подготвено од М.Д.
About Author
