20.11.2023 Скопје
На вчерашните избори, според прелиминарните резултати, тој освои 56 отсто од гласовите и го победи противкандидатот Серги Маса, кој ја доби довербата од 44 отсто од гласачите.
Поранешниот американски претседател Доналд Трамп и му честиташе на Мајли за победата, велејќи дека тој „ќе ја направи Аргентина повторно голема!“.
Изборите доаѓаат во тежок момент за Аргентина, која е среде економска криза и огромна инфлација и ја либерализира поседувањето оружје.
Мајли сака да ја затвори централната банка и да ја доларизира економијата – порадикални идеи кои може да бидат тешки за спроведување.
Предлозите на Мајли, кои вклучуваа уништување на централната банка, добија поддршка од гласачите очајни за промени.
Тој ги збуни анкетарите со лесно победување на Маса, кандидатот на владејачките перонисти.
Во неговиот победнички говор пред поддржувачите во Буенос Аирес, Мајли рече: „Денес започнува реконструкцијата на Аргентина. Денеска започнува крајот на падот на Аргентина. На моделот на декаденција дојде крајот. Нема враќање назад. Аргентина ќе се врати на своето место во светот кое никогаш не требаше да го изгуби. Ќе работиме рамо до рамо со сите нации од слободниот свет за да помогнеме да се изгради подобар свет“.
Маса по поразот изјави: „Очигледно резултатите не се онакви какви што очекувавме. Контактирав со Хавиер Мајли за да му честитам. Од утре одговорноста за обезбедување безбедност му припаѓа на Мајли“.
До самиот крај беше тешка трка, но победи кандидатот кој во еден момент држеше моторна пила во кампањата и човекот кој го споредуваа со Трамп и поранешниот бразилски лидер Жаир Болсонаро.
Неговиот говор за воведувањето на американскиот долар како официјална валута на земјата беше дочекан со аплауз од неговите поддржувачи.
Многу економисти сè уште зборуваат за финансиска катастрофа. Како и да е, во земја каде што годишната инфлација сега е над 140 отсто и каде што двајца од пет луѓе живеат во сиромаштија, неговата победа докажува дека на Аргентинците им е доста од традиционалната политика и економската катастрофа.
Неговата победа значи дека тие се подготвени да пробаат нешто ново во обид да го подобрат својот живот.
Хавиер Мајли, голем обожавател на Доналд Трамп, ја изненади, па дури и ја шокираше аргентинската јавност кога стана релативен победник на претседателските прелиминарни избори на крајот на август.
Мајли во својот говор им се заблагодарила на Конан, Мареј, Милтон, Роберт и Лукас.
„Тие се мои четириножни деца“, вели Мајли, кој нема жена, маж, деца, но живее со пет мастифи кои долго време ги нарекува своите деца.
Но, интересно е што сите пет кучиња се клонови на неговото претходно куче Конан, кое го добило името по филмот Конан Варваринот од 1982 година со Арнолд Швајценегер.
Пет клонови на кучето Конан, кое почина во 2018 година, се родени во близина на градот Остин во Тексас, поточно во просториите на ViaGen Pets, единствената американска компанија која се занимава со клонирање кучиња. Четирите кучиња Мареј, Милтон, Роберт и Лукас ги добија имињата по економистите Мареј Ротбард, Милтон Фридман и Роберт Лукас.
Мајли тогаш за еден аргентински портал изјавил дека „Конан е буквално негов син, а останатите четири клонови се како внуци“.
Неговите мастифи се чини дека се прилично немирни.
„Мојата куќа е како Косово. За две недели изедоа речиси четири фотелји“, изјави Мајли на аргентинската телевизија во 2018 година.
Тој често се појавуваше на предизборните собири со моторна пила, која ја користеше за да симболизира како ќе ги намали владините трошоци и отпадот.
За време на кампањата своите конкуренти ги нарече „политичка каста“, „комунисти“, „паразити“ и „пијавици“.
Подготвено од А.Ѓ.
About Author
