14.11.2023 Скопје
Даноците за РТВ се една од оние работи што многу малку луѓе во Германија се подготвени да ја платат. Поради оваа причина, некои луѓе се обидуваат да ја намалат задолжителната такса. Но, беше воведена нова мерка за милиони жители на споменатата земја.
Цената на данокот на РТВ е 18,36 евра месечно. И тоа за секое домаќинство – без разлика дали имате телевизор или не. Не е важно колку луѓе живеат во станбената единица, придонесот мора да се плати. Придонесот се однесува на едно домаќинство.
Еден ден, кога пензионерот сакал да си ја плати сметката на бензинска, му била блокирана банкарската картичка.
Надлежниот орган му ја блокирал жиро-сметката, бидејќи не го платил навреме данокот на РТВ. Вкупно од сметката му зеле 733,48 евра. Како пензионер – според сопствената изјава – оваа мерка ја загрозува неговата егзистенција.
Пензионерот (75) изјавил дека секогаш ја плаќал радиодифузната такса. Тој сега се сомнева дека предупредувањата на радиодифузерот биле насочени кон неговата сопруга, бидејќи тие двајца живеат заедно во иста куќа.
Но, надлежниот орган тоа го демантира и наведува дека пензионерите секогаш доцнат со исплатите, па ја презеле оваа драстична мерка.
Парот во пензија сега се лути и преземаат правни мерки против блокирањето на нивните сметки. Но, надлежната служба не се гледа себеси како виновник.
За нив блокирањето и наплатата на пари е легално. Секој што нема да ја плати таксата за РТВ во рок од четири недели ќе добие она што е познато како известување за проценка.
Доколку не платите навреме, казните брзо ќе се соберат и ќе биде преземена драстична мерка, како блокирање на сметката, пишуваат германските медиуми.
Подготвено од А.Ѓ.
About Author
