03.11.2023 Скопје
Имено, „Shift Robotics“ го најави лансирањето на својот водечки производ: „Moonwalkers“. Тие водеа кампања на Kickstarter во октомври и на својата веб-страница објавија дека ја исполниле целта за финансирање за помалку од 48 часа, собраа вкупно нешто повеќе од 329.000 долари и сега прифаќаат нарачки однапред.
„Moonwalkers“ се електрични додатоци за чевли и, според креаторите, овозможуваат магичен нов начин на одење со брзина на трчање, односно во нив можете да одите 2,5 пати побрзо бидејќи тие можат да ви ја зголемат брзината на одење на 11,2 km/h. Едно полнење на батериите треба да овозможи чекорење до 10 километри.
А нивната цел, тврдат, е да ја трансформираат урбаната мобилност. Она што го нагласуваат е дека не се работи за ролерки. Во „Moonwalkers“ вие „само“ одите.
Благодарение на интуитивниот погон со вештачка интелигенција, чевлите се прилагодуваат на одењето, а за тоа не е потребна дополнителна вештина, потребни се само 10 чекори за да се прилагоди на шетачот, тврдат тие.
Пронаоѓач и основач е Ксуњи Канг, кој студирал на Институтот за роботика „Карнеги Мелон“.
„Сè започна кога Ксуњи за малку ќе настрадаше од автомобил додека го возеше својот скутер до работа на само милја и половина оддалеченост. Тогаш Ксуњи се запраша зошто никогаш не одел пешки до работа – иако тоа е многу побезбедно и поудобно. Луѓето се обиделе да се подобри личната подвижност на ролери, скејтборди или велосипеди – сите тие имаат равенка за учење. Но, од друга страна, пешачењето не е само безбеден, здрав начин за движење, туку и дел од тоа што сме ние, мисија да го подобри одењето наместо да го замени“, објаснуваат тие на страниците на „Shift“.
По неговите студии, Ксуњи се здружи со колеги инженери за млазен погон, како и роботичари и дизајнери на патики. Заедно, тие ги поминаа последните пет години обидувајќи се да најдат начин да ја зголемат брзината на одење.
Сега тврдат дека го решиле. „Moonwalkers“ се сосема нов и безбеден изум, тврдат тие.
„Тие се првите електрични чевли во светот кои ви дозволуваат да одите со брзина на трчање, интуитивно и без напор”. За да одите побрзо, само треба да одите побрзо, а тоа престанува кога ќе престанете да одите.
„Shift“ сега прифаќа преднарачки, важечки само за пазарот во САД, а се продаваат по цена од 1399 долари.
These new AI shoes can make you walk 250% faster.
Moonwalkers use AI to learn your step gait/speed and adapt to you.
The shoe has two modes: lock, and shift, and will only work when you move. pic.twitter.com/GTecNGMEAM
— The Rundown AI (@TheRundownAI) March 25, 2023
Подготвено од А.Ѓ.
About Author
