02.11.2023 Скопје
Еден од портпаролите на израелското Министерство за надворешни работи, амбасадорот Џоел Лајон, изјави дека главна цел на Израел е да ја елиминира заканата од Хамас, кој изврши големи злосторства врз израелските цивили и, меѓу другото, е закана за цела Европа, вклучително и Србија и Црна Гора.
Во разговор со новинарите, на место кое се наоѓа на 1,8 километри од Појасот Газа, во областа каде на 7 октомври започна нападот врз Израел, Лајон нагласи дека во политичка смисла стратегијата на Израел е многу јасна.
„Тоа е да се елиминира Хамас. Сакаме да ја елиминираме заканата од Хамас, бидејќи бидете сигурни во тоа, ако не го нападнеме Хамас, Хамас ќе дојде кај вас, во Србија, во Црна Гора, во Европа“, рече Лајон и додаде дека борбите се уште траат, но улични борби нема бидејќи се завршува со артилериски напади.
Хамас е ИСИС и уште поголемо зло од ИСИС, рече амбасадорот, додавајќи дека затоа стратегијата е многу јасна, а тоа е да се елиминира Хамас.
Значи, ако некој го слуша ова, лошите момци се Хамас, кои не ги пуштаат цивилите надвор. Затоа, единствен одговорен за каква било загуба на животи на невини луѓе е Хамас, рече тој и нагласи дека ниту еден бегалски камп не бил нападнат во Газа.
Според него, погоден е кварт во близина на Газа.
„А, во оваа област имаше подземен објект на Хамас, во кој се криеше еден од лидерите на Хамас“, рече Лајон и потсети дека тој човек повеќе не е жив.
„Хамас врши двојно воено злосторство, се крие зад живиот штит, зад цивилното население и пука во цивилното население на Израел“, рече Лајон, нагласувајќи дека кога се ќе се земе предвид, луѓето треба да кажат кој повеќе се грижи за Палестинците, цивилите таму во Газа, Израел или Хамас?
Тој потсети на злосторствата што се случија, дека многу луѓе биле запалени живи, 1.300 луѓе биле убиени во еден ден.
„Ние сме во војна, во војна сме и како што рече нашиот премиер војна на злото против доброто“, рече Лајон и додаде дека се киднапирани луѓе, бебиња, деца, старци.
„Но, имаме повеќе од 230 киднапирани луѓе овде во Газа. Бебиња, шестмесечни бебиња. Тие исто така држат жени постари од 90 години. Тоа е зло. Лицето на злото“, рече тој.
Лајон додаде дека регионот каде што сега се новинарите бил нападнат на 7 октомври, дека се започнало со лансирање ракети.
„Луѓето отидоа во безбедни куќи и екипите за итни случаи зазедоа позиции затоа што не знаеја што ќе се случи. Терористите штотуку влегоа во овој кибуц. Во тоа време овде живееја околу 130 луѓе. Имаше меѓу 80 и 100 терористи“, рече тој.
Тој додаде дека тие што не излегле, решиле да си ги запалат куќите.
Подготвено од А.Ѓ.
About Author
