14.11.2023 Скопје
Амбасадите на Франција и Германија соопштија дека на нивна иницијатива, на воените православни гробишта во Приштина е преместена спомен плочата на загинатите српски војници во Балканските војни и Првата светска војна.
Имено, Денот на примирјето беше одбележан во неделата – кога силите на Атланта потпишаа примирје со Германија и со тоа ставија крај на Првата светска војна.
Како и претходно, германскиот и францускиот амбасадор во Косово заедно го одбележаа овој ден во воениот дел на православните гробишта во Приштина.
На сликите од комеморацијата од оваа година и минатите години, забележлива е разликата, бидејќи на фотографиите од оваа година – споменикот на загинатите српски војници во Првата светска војна, кој претходните години беше во центарот, не беше видлива. Станува збор за бела надгробна плоча „Спомен на ослободителите на Приштина“, со кириличен натпис „Тука лежат посмртните останки на српските војници загинати во војните 1912 и 1918 година“.
Како што објавија локалните медиуми, се покажало дека тој всушност сега бил преместен и оставен на страна, што во меѓувреме го потврдила и епархијата Рашко Призрен, која изразила загриженост, но и сомнеж дека на овој начин се препишува историјата, дека е обид да се „замати неспорната вистина за учеството и историската улога на српскиот народ на овие простори“.
Парохискиот свештеник на Приштина, Станиша Арсиќ, случајот го пријавил во полиција и изјавил дека отстранувањето на спомен плочата било направено по налог на француската амбасада во Приштина.
Ова го потврдува и француската амбасада.
Прво, се осврна на фактот дека, како што велат, традиционалната заедничка француско-германска церемонија била извалкана со контроверзии во одредени медиуми во Косово, токму поради, како што велат, постоењето на споменик во чест на српските војници кои загинале во периодот од 1912 година до 1918 година.
Тие во заедничкиот одговор ги потсетија овие амбасади дека Србија и Франција биле сојузници за време на Првата светска војна.
Затоа, тие сметаат дека целата контроверза (во медиумите во Косово во последните години) – била недостојна за сеќавањето на сите војници: француски, германски и српски војници кои загинале во Првата светска војна:
„Но, и 18 француски војници кои загинаа додека служеа за КФОР, во заштита на сите заедници во Косово“.
Веднаш потоа соопштуваат дека сега е поставен нов споменик со кој се слави пожртвуваноста на сите француски војници на Косово на иницијатива на амбасадата на Франција и дека „подоцна споменикот е поместен во знак на почит кон српските војници на само неколку метри“.
Велат дека ова го направиле откако за тоа ја известиле Општината.
„Овој споменик останува целосно видлив на истата локација, како што секој може да го види на лице место и на приложената слика“, изјавија оттаму, а од приложената слика се гледа дека е поместен на страна.
Тврдат и дека не поместија ниту едно војно тело.
Во француската и германската амбасада се разочарани што овој „гест“ е „погрешно протолкуван“, но и што е повод за политичка експлоатација.
„Почитувањето на спомените на нашите војници треба да остане централно на оваа комеморација“, рекоа тие во овој заеднички одговор.
Се додава дека француската амбасада во Приштина останува во контакт со надлежните органи.
Тие нагласија дека францускиот и германскиот амбасадор традиционално го означуваат крајот на Првата светска војна, бидејќи како тогашни непријатели „пренесуваат силна порака за помирување“.
„Тоа е и Ден на француските ветерани, ден на сеќавање на сите наши војници кои ги загубија животите за време на должноста. Ќе продолжиме да им оддаваме почит на сите војници кои загинаа за време на Првата светска војна“, се вели во соопштението.
Подготвено од М.Д.
About Author
