03.11.2023 Скопје
Оние кои планираат да инвестираат во сопствена соларна централа често се сомневаат во ефикасноста во зимските месеци.
Прашањето за ефикасноста на соларните панели во текот на зимата загрижува многумина кои размислуваат за инвестирање во соларна централа, а потребно е да се разјасни постоечкиот сомнеж.
Зимскиот студ не влијае на ефикасноста на соларните панели, бидејќи тие ја претвораат сончевата светлина, а не топлината, во електрична енергија. Дополнително, соларните панели ја постигнуваат својата максимална ефикасност на пониски температури (околу 25 степени), во споредба со екстремно високите температури во текот на летниот период.
Факт е дека во текот на зимата деновите се пократки и помалку сончеви, со поголема облачност во однос на остатокот од годината и затоа се намалува производството на електрична енергија, но не и ефикасноста на самите соларни панели.
Единствениот непријател на соларните панели може да биде снегот, и тоа само во форма на обилни врнежи. Имено, поголемо количество снег наталожено на панелите може да ги оптоварува нивните носачи и потенцијално да доведе до оштетување на самите панели. Од друга страна, ако на панелите падне мала количина снег, снегот брзо ќе се спаси, бидејќи панелите се поставени под агол и веќе се загреваат од сонцето.
Во зимскиот период соларните централи де факто произведуваат помалку електрична енергија во однос на нивниот капацитет, но заштедите што ги постигнуваат домаќинствата и деловните субјекти и понатаму се на високо ниво, како во однос на трошоците, така и во однос на намалените емисии на CO2.
Уште неколку корисни „зимски совети“ за сопствениците на домашни соларни централи:
– Се препорачува да не ги чистите сами панелите од снег поради можност од оштетување;
– Последниве години немавме многу снежни денови, екстремните снежни врнежи веќе не се честа појава, па и панелите се безбедни.
Околниот снег може да го рефлектира сончевото зрачење и да помогне во производството на електрична енергија.
Подготвено од А.Ѓ.
About Author
