21.11.2023 Скопје
Азербејџан е подготвен за мировни преговори со Ерменија, под услов да не бидат присутни западните посредници.
Хикмет Хаџиев, азербејџанскиот претседателски советник, изјави дека мировниот договор не е нуклеарна физика и ако постои добра волја, основните принципи на договорот може да се воспостават за краток временски период.
„Ни треба мир во нашиот регион, а не во Вашингтон, Париз или Брисел“, додаде Хаџиев.
Регионот Нагорно-Карабах, кој припаѓа на територијата на Азербејџан, но претежно е населен со етнички Ерменци, воспостави де факто независност во 1990-тите, но по анексијата на Азербејџан во септември, 120.000 Ерменци беа принудени да избегаат.
По двата ерменско-азербејџански конфликти околу спорната територија, долгогодишните обиди за европско, американско и руско посредување пропаднаа, а границите меѓу двете земји остануваат затворени и се честа цел на тензии и конфликти.
Додека ерменскиот премиер Никол Пашинјан им се заблагодари на западните земји за нивната помош, Азербејџан ги обвини САД за „двојни стандарди и неконструктивен пристап“ и ја критикуваше Франција, која објави испорака на оружје за Ерменија минатиот месец.
Азербејџанскиот претседател Илхам Алиев, исто така, ја обвини Франција за „најкрвавите злосторства во историјата на колонизацијата“ за време на денешниот говор на конференцијата за деколонизација.
Подготвено од А.Ѓ.
About Author
