29.11.2023 Скопје
„Упадот“ во службената пријава за лажно прикажување на фактите, со намера да се избегне дисциплинска одговорност, ги чинеше работните места на двајца полицајци во Сисак.
Имено, полициски службеници од Управата за криминалистичка полиција на Управата за полиција во координација со УСКОК во моментов спроведуваат истрага против двајца полициски службеници на ПУ на Сисак-Мославина поради сомнение дека по преземањето на дејствијата лажно ги презентирале фактите во службените пријави со намера да избегнат дисциплинска одговорност.
Осомничените полициски службеници со решение на началникот на полициската управа Сисак-Мославина се отстранети од служба, а покрај поднесување барање за поведување дисциплинска постапка, откако ќе бидат предадени на надзорникот на притворот, ќе биде поднесена и кривична пријава против нив до Управата за сузбивање на корупција и организиран криминал, информираат од полицијата.
Оттаму наведуваат дека УСКОК по распит на осомничените ќе донесе одлука за понатамошно постапување во споменатиот случај.
Оваа акција на УСКОК и полицијата е поврзана со настанот од почетокот на месецов кога полициски службеници употребиле огнено оружје во Мошќеница. Тогаш полициската управа Сисак-Мославина соопшти дека станува збор за „третман на неколку лица поради сузбивање на нарко-криминалот“ и дека било употребено огнено оружје „кога возачот на автомобилот возел кон полицајците“.
„Во текот на постапката возачот на автомобилот се упатил со своето возило кон полициските службеници, претходно не ги послушал нивните наредби. За отстранување на опасноста, полициските службеници употребиле огнено оружје, пукајќи во воздух и во гумите на автомобилот. Нема повредени во овој инцидент“, наведе полицијата, додавајќи дека во врска со ова е приведено едно лице, а се уште се трага по други двајца.
Но, подоцна наводно било утврдено дека се се случило на малку поинаков начин, односно дека лицата во возилото што полицајците се обиделе да го сопрат, не се обиделе да ги прегазат полицајците, туку забрзале и избегале без да ги загрозат.
Полицајците тогаш наместо да испукаат предупредувачки истрели во воздух, веднаш пукале кон возилото што бегало, а подоцна ја „измислиле“ приказната како да постапуваат според правилата на службата. Целиот настан наводно бил снимен, па подоцна било откриено што навистина се случило.
Подготвено од А.Ѓ.
About Author
