03.10.2023 Скопје
Претседателот на Србија, Александар Вучиќ, изјави дека Србите ќе го напуштат северот на Косово и Метохија доколку меѓународната заедница дозволи да продолжи теророт на Албин Курти.
„Ние не сме далеку од тоа, иако Србите се решени да ги зачуваат огништата. Ужасот на Курти надминува се што може да помисли на нормален човек. Напаѓаат болници, градинки. 122 дена не е влезена српска роба во Косово и Метохија, таму нема кислород во болниците“, рече Вучиќ.
Тој вели дека знаел дека Србите на северот на Космет ќе се побунат и дека тоа постојано го кажувал.
„Па, што очекувате? Што мислевте? Ова е најлошата форма во која експлодираше. Но мораше да експлодира“, рече Вучиќ.
Претседателот на Србија посочи дека коренот на проблемот е во режимот на Курти.
„Пред две години, кога Курти дојде на власт, започна вистинскиот терор врз Србите и тие се посветени да се справат со тоа“, рече Вучиќ и додаде дека 11 отсто од Србите го напуштиле Косово и Метохија откако Курти дојде на власт.
Вучиќ рече дека тој е виновен за ситуацијата на Косово и Метохија бидејќи верувал дека ЕУ и САД ќе го исполнат тоа што го напишале во решението од пред една година и дека дозволил Србите да зависат од други.
Тој изјави дека српските служби ги реконструирале настаните во Бањска и дека сознанија се дека на полицајците на самопрогласено Косово им било наредено да ги отстранат барикадите.
„Кога дојдоа да ги отстранат, наидоа на експлозив и беа разнесени. Едниот беше ранет, а другиот беше убиен. Потоа третиот отвори оган и така почна се. Почна ловот на Србите”, изјави Вучиќ.
Тој изјави дека списокот на Курти со Срби што треба да бидат убиени е една од клучните причини за овој бунт.
Во преносот, претседателот на Србија покажа фотографии на кои се гледаат припадници на полицијата на самопрогласеното Косово во Бањска како држат пушки „М70“ произведени во Крагуевац.
„Ние официјално не им го продадовме. Никој не прашува од каде добиле 20 пати повеќе пиштоли отколку што „најдоа“ таму, во Бањска“, рече Вучиќ.
Тој изјави дека Србија ќе инсистира да се дознае вистината за убиството на Србите, но и да се најдат одговорните за убиството на полицаецот.
Вучиќ порача дека нема да го остави српскиот народ на Косово и Метохија без поддршка од Србија.
„Ние им помагаме колку што можеме. Пари повеќе од кога било, политички повеќе од кога било, но во однос на безбедноста не можеме“, рече Вучиќ.
Подготвено од А.Ѓ.
About Author
