03.10.2023 Скопје
Политикологот Вук Велебит рече дека одговорот на меѓународната заедница е клучен во овој момент, бидејќи ризикот од посериозен конфликт на Косово и Метохија сега е поголем отколку што било кога било во последните неколку години.
„Мислам дека меѓународната заедница требаше посериозно да реагира и пред ова, бидејќи можеби немаше да дојдеме во ситуација тензиите да пораснат толку многу што да се случува се што се случува во селото Бањска“, изјави тој и додаде дека атмосферата што ја создаде премиерот на приштинските привремени институции Албин Курти, е пораката дека Србите не се добредојдени во Косово.
Коментирајќи го тоа што премиерите на Албанија и Хрватска, Еди Рама и Андреј Пленковиќ бараат од Бирсел да преземе мерки против Србија, Велебит вели дека ниту ЕУ ниту Западот не би дозволиле Србија да се најде во ситуација која би довело до дополнителна нестабилност на целиот Балкан, што би можело да се случи доколку Србија биде доведена во некаков изолационизам.
Тој забележува дека за српските национални интереси и за Србите кои живеат на Косово е многу важно српските власти да покажат што се случи во селото Бањска на 24 септември, кој е одговорен за тоа, бидејќи насилството не треба да биде одговор на Србија.
„Многу е тешко да се продолжи дијалогот по сето она што се случи минатата недела, но од друга страна не гледам друга можност. Мислам дека колку и да се тешки или понекогаш невозможни овие разговори, подобро е да се разговара отколку да има ситуации што се случувале во Бањска или пред тоа“, додаде тој.
Тој смета дека дијалогот меѓу Белград и Приштина на некој начин ќе продолжи, но дека е многу важно да се работи на безбедноста на Србите на Косово и дека меѓународната заедница преку своите проактивни акции покажува дека има стратегија за тоа како да се реши кризата во Косово, како никогаш повеќе да не се случуваат настаните како што се случија и како Србите да имаат нормален живот.
„Србија е опкружена со НАТО од речиси сите страни. Мислам дека не е во интерес на Србија да води каква било војна, не е добро ниту за српските национални интереси. Мислам дека денес на Србија и треба сојузник во меѓународната заедница. Ние сме опкружени со членки на НАТО, дека сме опкружени со ЕУ, дека сме дел од европската безбедносна архитектура, мислам дека Србија треба да си бара сојузници, барем кога се работи за Србите во Косово, на Запад“, заклучи Велебит.
Подготвено од А.Ѓ.
About Author
