30.10.2023 Скопје
Современиот систем за воздушна одбрана со среден дострел NASAMS, од норвешко-американско производство, беше доставен до вооружените сили на Унгарија.
Со оваа испорака Будимпешта го продолжува процесот на модернизација и замена на постоечката воена опрема од советско и руско потекло.
Договорот за набавка на тој систем за противвоздушна одбрана и придружните ракети е вреден една милијарда долари и е потпишан во ноември 2020 година.
Станува збор за систем кој заеднички го развиле норвешкиот „Kongsberg“ и американскиот „Rejtion“ за потребите на норвешкото воздухопловство.
Со овој систем Унгарија ќе го замени постоечкиот арсенал на системи за противвоздушна одбрана од советско потекло Куб (СА-6). Корисник на NASAMS ќе биде 205-та ракетна воздушна одбрана во Џеро.
„Добивме нов противвоздушен ракетен систем кој е најнов во технологијата… Тоа е едно од новите богатства за вооружените сили кои се трансформираат и целосно се вооружуваат“, изјави унгарскиот министер за одбрана Кристоф Шалај-Бобровнички, додавајќи дека руската инвазија на Украина и израелско-палестинскиот конфликт се примери за клучното значење на ракетните системи за противвоздушна одбрана.
Во мај 2020 година, Вашингтон одобри купување на 62 ракети од Унгарија за потребите на системот за воздушна одбрана NASAMS, кој се очекува да обезбеди заштита од крстосувачки ракети, беспилотни летала, хеликоптери и авиони.
Станува збор за американска активна самоводена ракета „оган-и-заборави“ што ја користат борбените авиони, вклучувајќи го и унгарскиот Грипен, но во нова верзија специјално развиена за NASAMS.
Овој систем го користат многу земји во светот, вклучувајќи ги САД, Австралија, Чиле, Шпанија, Литванија и Оман. Украина, исто така, доби NASAMS и таа е првиот корисник што го користи системот во воени услови.
Според производителот, овој систем за противвоздушна одбрана е наменет за заштита на воздушни бази, пристаништа, градови и други локации од воено значење.
Покрај ракетите со среден дострел, може да користи и ракети со краток дострел.
Подготвено од А.Ѓ.
About Author
