30.10.2023 Скопје
И покрај конфликтот, има и такви кои веруваат дека украинскиот пазар на земјиште се покажува како сигурно средство за долгорочни инвестиции. Од 1 јануари 2024 година, тамошните фабрики ќе можат да откупат до 10.000 хектари. Се очекува од следната година цената на украинското земјиште да се зголеми за 50 до 75 отсто.
Експертите предвидуваат брз раст, по завршувањето на конфликтот, што квалитативно ќе ја промени целата земјоделска индустрија.
Во времето на започнувањето на земјишната реформа во јули 2021 година, Украина имаше 27,5 милиони хектари во сопственост на седум до осум милиони луѓе.
Парцелите на користење ги добија по продажбата на поранешните задруги во периодот од 1994 до 1995 година. Но, тие не станаа целосно сопственици, бидејќи продажбата беше забранета. Цената беше ниска поради немањето пазар.
Се очекува да расте интересот за купување во 2024 година. Побарувачката во централниот дел на Украина е два до три пати поголема од понудата. Највисоките цени од средината на летото годинава се постигнати по копнен пат во западните региони, додека најниски се во областа каде продолжуваат вооружените конфликти.
Украинскиот експерт за овој пазар, Евгениј Носалски, наведува дека цената на хектар од 2024 година ќе се зголеми за 50 до 57 отсто. Тој посочува дека од отворањето на пазарот, вредноста на овој ресурс е зголемена за четири пати, а во исто време, украинското земјиште се смета за најевтино во Европа.
Подготвено од А.Ѓ.
About Author
