31.10.2023 Скопје
Американскиот Стејт департмент ги прекина чартер летовите за Американците од Израел поради недостаток на побарувачка, изјави портпаролот на Стејт департментот, Метју Милер.
Милер рече дека побарувачката за летови „постојано“ се намалува и дека само пет патници пристигнале на последниот чартер лет од Израел до САД.
„Ги информиравме сите дека денешниот чартер лет е последниот што го планираме во моментов, па ако сакаат да одат, сега е време да го направат тоа. Не чекајте друг лет“, рече Милер.
Тој додаде дека САД „ќе продолжат да вршат проценки во реално време за тоа дали има дополнителна побарувачка“.
Подготвено од А.Ѓ.
About Author
