09.10.2023 Скопје
Севиља вторпат во две сезони игра доста слабо во домашното првенство. Во изминатата натпреварувачка година трофејот во Лига Европа го подобри впечатокот и донесе пласман во Лигата на шампионите, но тој успех не беше доволен за тогашниот и сегашен стратег да ја задржи работата.
Андалузијците во неделата вечерта објавија дека Хозе Луис Мендилибар е разрешен од должноста и дека клубот ќе бара ново решение, па двајцата српски репрезентативци Марко Дмитровиќ и Немања Гудељ во моментов се без лидер.
Последната сламка беше тешко добиеното реми на домашен терен против Рахо Ваљекан (2:2), што со две ремија во елитното европско натпреварување и вкупно осум бода од исто толку натпревари во Ла Лига е премалку за апетитите на лидери и навивачи.
Клубот најверојатно ќе ја искористи паузата поради обврските на репрезентациите и ќе најде привремено или трајно решение пред следниот дуел.
Во текот на својата кариера, Мендилибар, меѓу другите, ги водеше Еибар, Атлетик Билбао, Ваљадолид, Осасуна и Алавес. Само што го освои единствениот официјален куп со Севиља.
Подготвено од Д.Ц.
About Author
