09.10.2023 Скопје
Ветеринарната клиника „Zoo-vet“ во Пале изјави дека на три имоти во населбата Подграб во Пале е регистрирана африканска свинска чума, кои се први случаи на оваа животинска болест во регионот на Сараево-Романија.
Од Ветеринарната клиника велат дека заболените, но и угинатите потекнуваат од подрачјето на Зворник.
„Животните се донесени во нашето подрачје без пропишана ветеринарна документација“, додаваат од Ветеринарната клиника.
Болеста е потврдена во Ветеринарниот институт „Д-р Васо Бутозан“ во Бања Лука, а веднаш по нејзиното откривање преземени се мерки согласно правилникот за рано откривање, дијагностицирање, спречување на ширење, сузбивање и искоренување на африканската свинска чума.
Од Ветеринарната амбуланта „Zoo-vet“ во Пале, апелираат до населението, со цел сузбивање на оваа многу опасна заразна болест, да не купуваат свињи без потврда за здравствената состојба на животното.
Досега во Босна и Херцеговина се еутаназирани 48.000 свињи.
Подготвено од А.Ѓ.
About Author
